ՀՀ դրամի ներդրման 25-ամյակին նվիրված միջազգային համաժողով ՀՀ կենտրոնական բանկում

սեպտեմբերի 18, 2018
ՀՀ դրամի ներդրման 25-ամյակին նվիրված միջազգային համաժողով ՀՀ կենտրոնական բանկում

ՀՀ կենտրոնական բանկի Դիլիջանի ուսումնահետազոտական կենտրոնում ՀՀ դրամի ներդրման 25-ամյակին նվիրված միջոցառումների շրջանակում կազմակերպվել է բարձր մակարդակի միջազգային համաժողով:

Ողջունելով համաժողովի մասնակիցներին, ՀՀ ԿԲ նախագահ Արթուր Ջավադյանը նշել է, որ դրամի ներդրման 25-ամյակը նշանավորում է նաև Հայաստանում անկախ դրամավարկային քաղաքականության իրականացման սկիզբը:

 Նա ասել է, որ այս 25 տարիների ընթացքում հայկական դրամը դիմակայել է բազում ցնցումների՝ շարունակելով կատարել հուսալի արժույթի իր դերը: ԿԲ նախագահը շեշտել է, որ այժմ Հայաստանում գործում է արդյունավետ դրամավարկային քաղաքականության և ֆինանսական կայունության կառուցակարգ:

Համաժողովին ԿԲ պաշտոնյաների կողմից ներկայացվել են Հայաստանում անցած 25 տարիների ընթացքում դրամավարկային համակարգի զարգացման հիմնական փուլերը և ֆինանսական կայունության ապահովման նպատակով Կենտրոնական բանկի քաղաքականությունը, կիրառվող գործիքակազմը և մեխանիզմները:

 Համաժողովի հատուկ հյուր, Նորթվեսթերն համալսարանի պրոֆեսոր Լուորենս Քրիստիանոն ներկայացրել է «Դոլարիզացիա. Ընտրություն տնային տնտեսությունների ապահովագրման և ֆինանսական ճգնաժամերի հավանականության մեծացման միջև» թեմայով դասախոսություն:

Միջոցառման ընթացքում կայացան աշխատանքային քննարկումներ տարբեր ֆինանսա-տնտեսական հարցերի շուրջ:

Համաժողովի մասնակիցների շրջանում մտքերի ակտիվ փոխանակում տեղի ունեցավ տարբերերկրներում գների և ֆինանսական կայունության ապահովման մեխանիզմների և փորձիփոխանակման վերաբերյալ:

info
Տեղեկատվության հայերեն և անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին: Էջը թարմացվել է՝ 18.09.2018 21:45